La Scuele furlane e è stade un progjet par formâ gnûfs autôrs e compagnâju te scriture des lôr oparis.
IL PROGJET
I partecipants e àn vût mût di scuvierzi cemût scrivi un test teatrâl sot la vuide di Alessandro Di Pauli, ripercori le storie dal teatri furlan graciis a Angela Felice, scoltâ i autôrs furlans vivents (Teatri Incert, Carlo Tolazzi, Paolo Sartori) insiemit a int di teatri (Paolo Nikli, Anna Gubiani) e imparâ nozions di grafie furlane cun Giorgia Zamparo.
Une esperience a 360° che o sperìn che ancje tal futûr e puarti cun se une onde di gambiament pe cressite e pe consapevulece de dramaturgje furlane.
La Scuele furlane di scriture teatrâl e je un progjiet di MateâriuM cul contribût dal ARLeF
Lezion di introduzion – ai 26 di Mai 2015
ai 26 di Mai
alì dal Teatri Sant Zorç di Udin
Te zornadi di introduzion o vin vût un plenon de sale, che nissun si podeve inmagjinâ. Il Friûl al scrîf la sô storie cu lis penis dai gnûfs dramaturcs!
Cors pratic di scriture – Jugn / Lui 2015
Cors pratic di scriture teatrâl
(nivel base)
Il cors, di nivel base, al è stât di 8 apontaments che si son davuelzûts ogni martars des vot ( 20.00) aes undis di sere (23.00) dai 9 di Jugn ai 28 di Lui dal 2015, alì de sale conferencis dal Teatri Sant Zorç di Udin.
Al cors e àn partecipât 14 arlêfs.
La serie di apontaments e jere dividude in dôs parts: une dedicade al insegnament de scriture, a partî di esemplis innomenâts de nestre culture (Marchetta, Teatri Inciert, Gregoricchio, …) e une part incentrade sul aprofondiment de storie dal teatri furlan (par cure di Angela Felice), sul studi di elements base de grafie furlane (par cure di Giorgia Zamparo) e su incuintris direts cun autôrs che a rapresentin manieris diferentis di contâ la nestre tiere (Paolo Sartori, Paolo Patui, Teatri Incert, Teatrino dal Rifo).
Tutoring – Lui / Novembar 2015
Lui – Novembar 2015
Percors vuidât viers la scriture di un test teatrâl.
La scuadre di MateâriuM si è metude a disposizion dai partecipants al cors (e di progjets esternis) par stâ daûr ai autôrs impegnâts a scrivi lis lôr oparis.
Ogni autôr al à vût un contat diret e continuât cuntun tutor che i à dadi i obietîfs e i conseis che i son coventâts par butâ jù un test apassionant e struturât. Giorgia Zamparo e à comedadi la lenghe furlane.
E àn partecipât 6 arlêfs che e àn scrite 6 gnûfs tescj furlans:
- IL CONFIN di Bruno Chiaranti
- BALDÙS di Giacomo Trevisan
- CLAPS! di Stefania Ursella
- RINASSITE di Luca Zalateu
- FALÙ di Michele Polo
- LIBERAZION di Serena Di Blasio
Serade di leturis – ai 19-23-24 di Avrîl 2016
I tescj prodots a son stâts presentâts al public, intune serade di leturis a cure di Mateârium.
Moderadôr: Dario Paolo D’Antoni
Intervents par cure di: Anna Gubiani e Alessandro Di Pauli.
Leturis: Paola Aiello, Daniele Fior e Nicoletta Oscuro.
Musiche dal vîf: Paolo Forte (martars ai 19 e domenie ai 24 di Avrîl).
Lûs e suns: Corrado Braida
Sorevisôr lenghe furlane: Giorgia Zamparo
Replichis:
- Martars ai 19 di Avrîl dal 2016 aes 20.45, Teatri San Zorç, Vie Q.Sella, 5 – Udin
- Sabide ai 23 di Avrîl dal 2016 aes 18.30, li de Biblioteche Vuarneriane Antighe, Vie Rome, 1 – San Denêl dal Friûl (UD)
- Domenie ai 24 di Avrîl dal 2016 aes 20.45, li de Aziende Agricule “Vineria Mont’Albano”, Vie Casali Jacob, 2 – Seorgnan (UD)
Cemût scrivi un teatrâl
A compendi de Scuele al è nassût il manuâl di MateâriuM, par fâ in mût che i insegnaments ricevûts no lessin pierdûts e che ognidun al podessi puartâtsiâi a cjase! Un manuâl bilengâl scrit in maniere semplice ma precise, cun esercizis di fâ, esemplis e sugjeriments di letturis. Un libri par mateâ di gust, cence nissune pôre!
Attività
scopri le nostre attività, eventi e rubriche
Le nostre rubriche
Il nostro punto di vista sulla scrittura, sulla drammaturgia contemporanea e sulla scena teatrale italiana e internazionale.
Scopri
Scrittori e Scritture in Castello
Ogni anno il Castello di San Pietro di Ragogna (Udine) ospita alcuni dei drammaturghi più interessanti del panorama nazionale.
Scopri
Incontri metropolitani
Sei brevi interviste, sei diversi punti di vista sulla drammaturgia contemporanea milanese, a cura di Giulia Tollis.
Scopri